Gabriel: Të bëhet dallim mes marrëveshjes bërthamore dhe strategjisë së Iranit

Ministri gjerman i Punëve të Jashtme Zigmar Gabriel i bëri thirrje SHBA-së ta trajtojnë marrëveshjen bërthamore me Iranin nga viti 2015 si çështje të ndarë nga problemi me programin iranian për zhvillim të armëve balistike dhe rolin e Teheranit në luftën civile në Siri.

“Duhet të ndajmë dy punë. Ne duam të ruhet marrëveshja bërthamore me Iranin… dhe rolin strategjik që Irani e ka në rajon”, deklaroi Gabriel në Bruksel para takimit me homologët e tij nga Irani, Britania e Madhe dhe Franca dhe diplomatët më të lartë nga BE-ja.

Gabrieli, i cili hapur e kritikoi politikën e jashtme të SHBA-së pasi Donald Tramp është në funksionin e presidentit amerikan deklaroi se Uashingtoni megjithatë ka pasur të drejtë kur ka shfaqur shqetësim për strategjinë e Iranit në Lindjen e Afërt.

Могерини состанок

Takimi në Bruksel, organizator i të cilit është Përfaqësuesja e Lartë e BE-së për Politikë të Jashtme dhe Siguri Frederika Mogerini, mbahet në prag të vendimit të nesërm të Trampit rreth sanksioneve ndaj Iranit, të cilat u ngrinë pas miratimit të marrëveshjes bërthamore iraniane.

Në takim pritet të konfirmohet përkushtimi i Teheranit dhe vendeve evropiane në zbatimin e marrëveshjes.

Sipas përfaqësuesve diplomatik, vendet evropiane do të kërkojnë nga Irani edhe më tej të lejojë inspektime ndërkombëtare në objektet e saj bërthamore. Teherani përgënjeshtron se tenton të prodhojë armë bërthamore në këto objekte, duke pohuar se programi i saj bërthamor ka vetëm karakter të qetë kohor.

Иран

“Qëllimi i takimit është të dërgohet porosi deri te Uashingtoni se Irani bashkëpunon dhe është më mirë të ketë marrëveshje bërthamore se sa të izolohet Teherani” deklaroi diplomati evropian.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP