20 shefa kuzhine për realizimin e një pice 34 metër, qëllimi është shumë interesant

Më shumë se 20 shefa kuzhine janë mbledhur në Turqi (Elazıg) për të krijuar një picë 34 metër të gjatë (lahmacun), e njohur si “pica turke” duke synuar vendosjen e një rekordi të ri kombëtar për picën më të gjatë të realizuar në vend, transmeton Revista Class.

Engin Altunbaş, i cili mban rekordin me picën prej 23 metra në vitin 2016, mësohet se po planifikon për të qenë pjesë e rekordeve Guinness me një prej ushqimeve tradicionale në Turqi.

“Ne po planifikojmë të thyejmë rekordin botëror që ka vendosur Italia me picën 1.853 metër të gjatë”,- tha Altunbaş, duke shpjeguar qëllimin e tyre për të bërë një picë në vitin 2023 – vit i cili shënon edhe 100-vjetorin e themelimit të Republikës së Turqisë.

Në vitin 2016, më shumë se 400 shefa nga e gjithë Italia u mblodhën në Napoli për të krijuar një picë 1,853 metër të gjatë, duke thyer rekordin botëror të picës më të gjatë në botë.

Për ta bërë punën e tyre sa më magjike, shefat italianë përdorën 2,000 kg miell, 1600 kg domate 2,000 kg mozzarella dhe 200 litër ujë.

E ngjashme me picën e zakonshme, pica turke (lahmacun), është rrethore, e përbërë me brumë të hollë, me bazë mish të grirë (më së shumti viçi ose qengji), perime të grira, qepë, domate dhe majdanoz, por edhe me shumë erëza si piper i kuq, spec i kuq, kanellë etj. Pjekja e kësaj pice bëhet në furrë druri natyrore.

Origjina e kësaj pice (lahmacun) është ende mister, por shumica beson teorinë se ka ardhur në Turqi nga Armenia. Të dy vendet kanë produktet bazë të njëjta, por receta tradicionale e sotme ndryshon nga tjetra.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP