Itali, shqiptari nga Maqedonia vret djalin e tij 5-vjeçar

Një ngjarje tragjike ka ndodhur dy ditë më parë në komunën Kupramontana në provincën e Ankonës në Itali. Një vogëlush 5-vjeçar, Hamid Imeri, djali i një çifti shqiptar nga Maqedonia është gjetur i vdekur në banesë. Babai i tij Besart Imeri 25 vjeç ka rrëfyer gjatë natës së shkuar vrasjen e djalit të tij, njofton “Ballkanweb“.

“E mbyta me duart e mia e nuk di se pse”, ka deklaruar Besart Imeri pasi është marrë në pyetje nga policia Italiane. Në natën e ngjarjes ka qënë vetë Besart Imeri që ka lajmëruar ndihmën e shpejtë mjekësore pasi djali i tij 5 vjeçar nuk merrte frymë mirë.

Kanë rezultuar të pashpresa tentativat e mjekëve për të shpëtuar vogëlushin. Mjeku ligjor ka verifikuar menjëherë shenja në fytin e tij.

Gjatë mbrëmjes së djeshme babai ka rrëfyer krimin duke zbardhur dhe dinamikën e ngjarjes. Ai ka marrë djalin 5-vjeçar për t’i bërë një shëtitje me makinë e brenda në automjet ka ndodhur dhe krimi. Më pas ka rikthyer djalin në shtëpi kur ka thirrur dhe ndihmën e shpejtë.

25-vjeçari Besart Imeri prej kohësh vuante nga probleme psiqike dhe kishte disa muaj që kishte humbur vendin e punës si saldator.

Çifti ishte i martuar e ishin në pritje të fëmijës së tyre të tretë. Nëna shtatëzënë e vogëlushit ndodhet e shtruar në spitalin e Jesit në gjëndje shoku.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP