Ivanoviq: “Koalicioni i luftës” nuk i ka votat për shfuqizimin e Speciales

Parlamenti i Kosovës është në pushim përgjatë këtij muaji, por mundësia e thirrjes së një seance të jashtëzakonshme për shfuqizimin e Speciales mund të thirret pas 15 janarit, shkruan Lajmi.net.

Por, zhvillimet në këtë temë po i komentojnë edhe përfaqësuesit politikë të serbëve në Kosovës.

Oliver Ivanoviq, kryetar i Iniciativës qytetare të Serbisë për demokraci dhe drejtësi, ka thënë se koalicioni qeverisës nuk i ka votat e mjaftueshme për ta shfuqizuar këtë ligj, transmeton lajmi.net

“Veç votave në parlament, koalicioni i luftës nuk ka as mbështetje publike për shfuqizimin e ligjit. Në fakt ata kaluan në një histori ku udhëheqësit e UÇK-së janë të tronditur. Në të njejtën kohë, shqiptarët e Kosovës nuk janë të gatshëm të heqin dorë nga mbështetja e Amerikës. Dihet se ambasadori i SHBA-së në Prishtinë ka thënë disa herë se kjo do të ishte thikë pas shpine për ta”, ka deklaruar Oliver Ivanoviq.

Ky i fundit i ka komentuar edhe zhvillimet në Lëvizjen Vetëvendosje pas dorëheqjeve të shumta.

Ai ka thënë se gjithçka lidhet me postin e të parit të VV-së, çka ka qenë edhe arsyeja për përçarjen në këtë parti.

“Vetëvendosja ka hyrë në një vorbull të brendshëm, sepse Albin Kurti që gëzon popullaritet të madh në mesin e përkrahësve, dëshiron të kthehet në pozitën e të parit, çka e ka befasuar Visar Ymerin dhe bashkëpunëtorët e tij”, thotë Ivanoviq.

Ndryshe Oliver Ivanoviq në zgjedhjet lokale kishte garuar për të parin e Mitrovicës Veriore, por që nuk kishte arritur të dalë fitues.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP