Era Istrefi në studion e ‘talk-show-t’ më të ndjekur në Amerikë

Studio e tij ka pritur me qindra personazhe të njohur të showbizit botëror. Nga Beyonce, Lady Gaga, Robert De Niro, Donald Trump e deri tek Kim Kardashian, janë ulur përballë Jimmy Kimmel, duke kaluar në skanerin shpotitës të moderatorit të njohur, shkruan Bordo.al.

Po nëse në studion e famshme do të shihnim edhe një këngëtare shqiptare, dhe pikërisht Era Istrefin?! Tani nuk na çudit më asgjë nga sukseset e Erës, pasi duket se për këngëtaren nga Kosova, nuk ka më kthim pas. Ajo ka lindur për të qenë një yll njësoj si yjet përtej kufijve që ne shpesh kemi admiruar. Era së fundmi ka postuar në insta story një video në të cilën, dukej se ajo ndodhej në studion e Jimmy Kimmel. Nuk e dimë nëse këngëtarja e “Redrum”, do të ketë fatin të intervistohet nga moderatori i njohur, por siç e thamë tashmë gjithçka pritet nga Era Istrefi. Vazhdo kështu Era.