Ja çfarë ndodhte në Greqinë e Lashtë nëse gjuaje me mollë një femër…

Një nga mënyrat më të përdorura për të propozuar një femër në Greqinë e Lashtë ishte t’i gjuaje një mollë. Po, duket mjaft qesharake kur e mendon sot, por është absolutisht e vërtetë. Në lashtësi, t’i gjuaje një mollë një femre ishte shprehje dashurie dhe nëse ajo e merrte, nënkuptonte se pranonte propozimin, transmeton Konica.al.

Si mjaft zakone të tjera greke, edhe kjo e ka origjinën nga mitet e antikitetit. Sipas legjendës, Perëndia e Konflikteve, Eris, ishte mjaft e shqetësuar që nuk ishte ftuar në martesën e Tetis dhe Peleus. Prandaj, në shenjë hakmarrje, ajo gjuajti me mollë në martesën e tyre, duke shënuar mbi mollë “Për më të bukurën”.

Ajo që pasoi më pas ishte mjaft argëtuese pasi tre Perënditë e tjera, Athina, Afërdita dhe Hera, filluan të debatonin se për kë ishte molla e hedhur. Njerëzit rreth tyre, që panë ngjarjen, u munduan të shuanin konfliktin dhe për këtë vendosën që të ishte trojani Paris, princi i luftës së famshme të Trojës, ai që do ta caktonte se për kë ishte molla.

Ai ishte nën trysni se kujt duhet t’ia jepte dhe Afërdita ishte ajo që i bëri ofertën më të mirë. Nëse ai do t’ia jepte asaj mollën, ajo do t’i falte atij dhuratën e shumëpritur, Helenën e Trojës.

Që nga ajo kohë, për grekët, molla u quajt e shenjtë dhe merrej si deklaratë dashurie për këdo që e hidhte. Gjatë asaj periudhe, çiftet që martoheshin hanin mollë gjatë martesës në shenjë dashurie dhe të dashuruarit ia dhuronin atë njëri-tjetrit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP