Aksident i katëfishtë në Shkup

Në aksidentin që mëngjesin e sotëm ndodhi para qarkores Hipodrom, sipas informacioneve të para të policisë, është lënduar një femër, e cila është dërguar në Qendrën Urgjente në Shkup.

Aksidenti ka ndodhur mes katër automjeteve të udhëtimit, një kamioni dhe një autobusi. Dy nga automjetet e udhëtimit janë me targa të Shkupit, një të Velesit dhe një të Prilepit, ndërsa automjeti transportues është me targa të Ohrit dhe autobusi me targa të Shkupit.

Aksidenti në polici është denoncuar në ora 7:40.

Në vendngjarje ende po bëhet ekspertizë dhe komunikacioni zhvillohet i vështirësuar në një korsi. Është vendosur edhe sinjalizim përkatës.