Këshilli gjyqësor e shkarkoi nga puna gjykatësin Mitrinovski
Këshilli Gjyqësor e ka shkarkuar nga Gjykata e Apelit, gjykatësin Jodran Mitrinovskin, njofton Portalb.mk.
“Është miratuar vendimi me të cilin konstatohet se gjykatësi Jodran Mitrinovski e ka kryer funksionin gjyqësor në mënyrë jo-profesionale dhe jo të përgjegjshme”, kumtoi Këshilli Gjyqësor.
Këhsilli lejoi që të përsëritet procedura kundër Mitrinovskit – gjykatësit të Apelit, pas miratimit të vendimit të GJykatës për të Drejtat e Njeriut, në të cilën është konstatuar shkelja e nenit 6, paragrafi 1 nga Konventa për Mbrojtjen e të Drejtave dhe Lirive të Njeriut. U formua komision në Këshillin për Zbatimin e Procedurës. Në vitin 2017, Komisioni caktoi disa diskutime, të cilat i ka anuluar me kërkesë të Mitrinovskit dhe mbrojtësve të tyre.
Mitrinovski tanimë disa vjet është në pension. Ai ka vlerësuar se është shkarkuar nga ish ministri i Drejtësisë, Mihajllo Manevski, pasi që e ka pensionuar bashkëshorten e tij, Filimena. Në pyetje të gazetarëve, gjykatësi deklaroi se në takim me Qeverinë e ish kryeministrit, Nikolla Gruevski i ka kërkuar që të japë dorëheqje nga funksioni. Mitrovski, në vitin 2011 ishte shkarkuar pasi që ka lejuar bosi për trafikim me cigare, Bajrush Sejdiu të shkojë në paraburgim shtëpiak.
