Talat Xhaferi takoi homologun e tij shqiptar në Shqipëri, Gramoz Ruçin (VIDEO)
Kreu i Kuvendit shqiptar Gramoz Ruçi ka pritur homologun maqedonas Talat Xhaferri në një vizitë zyrtare në Tiranë, transmeton Top Channel.
Në konferencën e përbashkët Ruçi u shpreh se shpreson të miratohet sa më shpejt nisma për ligjin e gjuhëve në Maqedoni.
“Ramë dakord të mbështesim projektet për ndërtimin e linjës ndërlidhëse 4 mijë kilovoltsh mes Shqipërisë e Maqedonisë, apo zbatimin e projekteve madhore për zgjatimin e rrugës së Arbrit në segmentin Bllatë-Shkup dhe atë të Korridorit të 8, Durrës-Elbasan-Shkup. Vlerësuam përpjekjet e bëra nga pala maqedonase për ndërtimin e hekurudhës dhe zgjatimin e saj për të lidhur Ohrin me Linin. Ramë dakord që të dyja Parlamentet tona për adresimin e çështjeve të mbetura pezull nga marrëveshjet e mëparshme”, u shpreh Ruçi.
