Britani: Rusia përpiqet ta shkatërrojë demokracinë perëndimore

Rusia po përpiqet të “shkaktojë përçarje” dhe shkatërrim të demokracisë në Britani, Francë dhe në shtetet e tjera perëndimore, duke përdorë propagandë, subverzion dhe sulme kibernetike, ka thënë mbrëmë këshilltari për siguri kombëtare i Britanisë, Mark Sedwill, gjatë një seance parlamentare, transmeton REL.

Mëtutje, ai ka theksuar se “e dimë se kërcënimi rus definitivisht po intensifikohet dhe shumëfishohet”, dhe ka shtuar se “qasja ruse ndaj perëndimit është përkeqësuar në përgjithësi dhe duket se është e gatshme të vazhdojë”.

Zoti Sedwill tha se Rusia ka krijuar tregime të rrejshme në media për sjelljen e ushtarëve të NATO-s në Evropën Lindore, ku janë të vendosura trupat e NATO-s, për ta shkatërruar legjitimitetin e tyre.

Ai, po ashtu, e ka akuzuar Rusinë për ndërhyrje në zgjedhjet në Francë, megjithqë kjo nuk ka pasur gjasë për ta ndryshuar rezultatin e votimeve.

Lajme të ngjashme

Leave a Reply

Your email address will not be published. Required fields are marked *

Back to top button