Vetëvendosje shpalli zgjedhjet e brendshme – në mungesë të kryetarit
Lëvizja Vetëvendosje ka shpallur zgjedhjet e brendshme në mbledhjen e këshillit të përgjithshëm, njofton Klan Kosova.
Për mbajtjen e zgjedhjeve të brendshme nuk ka pasur asnjë votë kundër.
Në këtë mbledhje ka munguar kryetari aktual i Vetëvendosjes, Visar Ymeri.
Ai në llogarinë e tij në Facebook u ka uruar punë të mbarë aktivistëve, por ka shtuar se nuk është i pajtimit që të mbahet kjo mbledhje.
Sipas tij është e ngutshme dhe e panevojshme të mbahet në këtë kohë.
Pos, Ymerit në këtë mbledhje mungojnë edhe disa figura të tjera të rëndësishme të kësaj partie, siç është njeriu i tretë më i votuar i Vetëvendosjes, Dardan Molliqaj dhe gruaja më e votuar në parti, Aida Dërguti.
