Pasi zgjedhet kryetar i Këshillit të Komunës së Tetovës Adnan Bilalli, hidhet poshtë vendimi

1 votë ka munguar që në vazhdimin e seancës së sotme konstituive të miratohet vendimi për zgjedhjen e kryetarit të ri të Këshillit Komunal të Komunës së Tetovës, Adnan Bilalli nga radhët e PDSH-së, njofton Portalb.mk.

“Sektori përkatës i administratës së komunës së Tetovës,  konstatoi se zgjedhja e kryetarit të Këshillit nuk është në pajtueshmëri me nenin 47 paragrafi 2 nga Ligji për vetëqeverisje lokale dhe nenit 19 paragrafi 1 nga Rregullorja për punë e Këshillit të Komunës së Tetovës. Prandaj në bazë të këtij konstatimi juridik e informojmë publikun se kryetari i Këshillit Komunal në komunën e Tetovë nuk është zgjedhur”, thonë nga Komuna e Tetovës.

Sipas njoftimit zyrtar të Komunës, zgjedhja e Bilallit hidhet poshtë pasi nuk është në përputhje me ligjin për vetëqeverisje lokale, gjegjësisht nuk kanë votuar 16 nga 31 këshilltarët e komunës. Megjithatë, partitë që sot votuan për Adnan Bilallin, teknikisht kanë shumicë dhe vota të mjaftueshme për ta zgjedhur kryetarin, pasi që sipas përbërjes së Këshillit, ata gjithsej i kanë 16 këshilltarë.

Këshilli i Komunës Tetovë numëron 31 këshilltarë, ndërsa nga kjo përbërje, 30-ve prej tyre u janë verifikuar mandatet. Një këshilltar është pa mandat pasi ende nuk ka marrë pjesë në seancë. Kandidaturën e Bilallit e kanë përkrahur 15 këshilltarë, nga BDI-ja, PDSH-ja, LSDM-ja dhe PDT, ndërsa kundër ishin nëntë – nga Besa dhe Aleanca për Shqiptarët. Këshilltarët nga VMRO-DPMNE-ja, e kanë braktisur seancën në shenjë të revoltës, siç thanë, për shkak të arrestimit të 37 personave për dhunën në Kuvend më 27 prill.

“Procedura në vazhdimin e sotëm të seancës u zbatua sipas Ligjit për vetadministrim lokal, si dhe Statuti dhe rregullorja për punë e Këshillit të komunës së Tetovës. Pesëmbëdhjetë këshilltarë është përkrahje e mjaftueshme për zgjedhjen time pasi një këshilltari nuk i është verifikuar mandati. Pres punë më aktive pasi duhet të miratohet buxheti i komunës, të formohen komisione adekuate dhe të punojmë në interes të qytetarëve”, tha Bilalli.

Ndryshe kjo është tentativa e dytë që dështon të zgjidhet kryetari i ri i Këshillit të Tetovës, pasi që paraprakisht seanca konstituive u ndërpre nga këshilltarja Rushadie Ramani-Halili nga radhët e Bashkimit Demokratik për Integrim

Përbërjen e Këshillit mund ta shihni më poshtë

One thought on “Pasi zgjedhet kryetar i Këshillit të Komunës së Tetovës Adnan Bilalli, hidhet poshtë vendimi

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP