SHBA: Fitorja e demokratit Jones, goditje politike për Trumpin
Demokrati, Doug Jones, ka arritur fitore në zgjedhjet për Senatin e Shteteve të Bashkuara në shtetin Alabama, që konsiderohet thellësisht me pikëpamje konservatore dhe bazë e fuqishme e republikanëve. Fushata për ulëse në Senat ishte e përshkruar me akuza për keqtrajtim seksual kundër kandidatit republikan, Roy Moore, transmeton REL.
Agjencia Reuters, mëtutje, raporton se kjo fitore e demokratit Jones paraqet goditje politike kundër presidentit, Donald Trump.
Kjo është fitorja e parë e një kandidati demokrat për Senat në shtetin Alabama në 25 vitet e fundit.
Pas këtij zhvillimi është zvogëluar shumica e republikanëve në Senat në 51:49, ndërsa konsiderohet se është hapur mundësia që në zgjedhjet e vitit të ardhshëm, demokratët eventualisht ta fitojnë shumicën në këtë dhomë të Kongresit të Shteteve të Bashkuara.
