Çedomir Jovanoviq: Nëse Serbia nuk e zgjidh problemin me Kosovën, do ta zgjidhin të tjerët

Serbia në vitin 2018 duhet të dalë me vendim për problemet të cilat ekzistojnë në Kosovë, ndërsa nëse atë nuk e bën, do ta bëjnë të tjerët, por pa të, vlerësoi lideri i Partisë Demokratike Liberale opozitare serbe, Çedomir Jovanoviq.

“Për këtë zgjidhje logjike është që në atë proces të jemi faktor, në vend që vëzhgues”, deklaroi Jovanoviq në intervistën për “Dnevnik”-un e Novi Sadit., transmeton MIA.

Sipas tij, Serbia duhet t’i ridefinojë edhe marrëdhëniet me Moskën, për të cilën ajo është edhe strehimi i fundit në Ballkan pas disa dështimeve të njëpasnjëshme me të cilat u ul ndikimi i saj, para së gjithash në Maqedoni dhe Mal të Zi.

“Serbia mbeti platformë përmes së cilës Rusia e zhvillon luftën e saj me Perëndimin. Zgjedhjet në BeH janë gjithashtu një mundësi që të tregojmë shkallë të përgjegjësisë që pritet prej nesh, dhe duhet t’i ndërpresim ato lidhje speciale me (presidentin e Republikës Sërpska) Milorad Dodiq për shkak të ruajtjes së BeH-së si shtet funksional”, thekson Jovanoviq.

Ai vlerëson se shtetit serb i nevojitet Kushtetutë e re të një Serbie moderne, sepse ajo ekzistuese me preambulën për Kosovën, paraqet zemërim dhe dezorientim të atyre që e sollën edhe deri te ideja për një Serbi si për ishull të shkretë të izoluar nga pjesa tjetër e botës”.

Në konstatimin se një pjesë e partive opozitare serbe më shumë e kritikojnë PDL, se pushtetin dhe se ajo është bërë “opozitë e padëshiruar”, Jovanoviq thotë se nuk mendon ashtu dhe se nuk do t’i vendoste ashtu punët.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP