Në ndërprerje trafiku transportues hekurudhor

Trafiku transportues hekurudhor në Maqedoni është në ndërprerje të plotë që në mëngjesin e sotëm nga ora 07:30, ndërsa trafiku hekurudhor për udhëtarë nga stacioni Shkup do të zhvillohet vetëm deri në mesnatë, kumtoi pasdite HM Transport SHA Shkup.

Siç informojnë, në mëngjesin e sotëm me fillim në orën 07:30, një grup të punësuar nga personeli në HM Transport SHA Shkup, në mënyrë të njëanshme dhe të paparalajmëruar, kanë vendosur të ndërpresin me kryerjen e obligimeve të tyre të punës.

Përfaqësuesit e personelit makinerik thonë se shkak për ndërprerjen është pjesa e dytë e papaguar nga paga për tetorin. Theksojnë se nuk janë organizuar nga organizatat sindikale dhe se tani për tani nuk kanë emëruar përfaqësues për deklarata zyrtare.

Nga HM Transport SHA-Shkup u kërkojnë ndjesë të gjithë udhëtarëve dhe klientëve dhe theksojnë se ekipi i tyre menaxherial do të punojë në normalizimin sa më të shpejtë të trafikut hekurudhor.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP