Kryetari i KSHZ-së dhe dy anëtarë kanë dhënë dorëheqje
Kryetari i Komisionit Shtetëror Zgjedhor (KSHZ), Aleksandar Çiçakovski, deri te Kuvendi i Maqedonisë ka dorëzuar kërkesë për ndalim të funksionit si kryetar i Komisionit, njofton Portalb.mk.
Mandati i tij duhej të zgjat deri në vitin 2020. Çiçakovski dorëheqjen e ka dorëzuar për arsye personale. Dorëheqje kanë dhënë edhe anëtarët e KSHZ-së të propozuar nga LSDM, Violeta Duma dhe Igor Milev.
Dorëheqjet vijnë nga reagimet e shumta nga opinioni, pasi që ambasadori i Amerikës në Maqedoni, Xhes Bejli deklaroi se: “Komisioni Shtetëror Zgjedhor (KSHZ) për zgjedhjet parlamentare dhe lokale të fundit në Maqedoni ka shpërblyer veten me 9 rroga shtesë”, ndaj kësaj reagoi KSHZ duke thënë “se kompensimet janë marrë në baza ligjore”. KSHZ vendosi njëzëri që “vendimin për 9 rrogat ta publikojnë në uebfaqe por që paratë nuk do të kthehen”.
Para disa ditëve në ueb-faqen “change.org”, iniciativa qytetare “Megafon” ka ngritur një iniciativë për dorëheqjen e anëtarëve të Komisionit Shtetëror Zgjedhor, për shkak siç thonë ata, sjelljen e tyre jo etike dhe shkeljen e parimit për punë, të publikuar në ueb faqen e KSHZ-së.
Dorëheqja kërkohet për:
- Aleksandar Çiçakovski – kryetar
- Rexhep Prekopuca – nënkryetar
- Atanas Urumov – anëtar
- Violeta Duma – anëtar
- Igor Milev – anëtar
- Sasho Sërcev – anëtar
- Silvana Boneva – anëtar
- Subhi Jakupi – anëtar
- Ermira Asani Salija – anëtar
Peticionin mund ta nënshkruani: KËTU
LEXO MË SHUMË:
- KSHZ vendos: nuk do t’i kthejmë paratë e 9 pagave
- Skandali i KSHZ-së test i rëndësishëm, a do ta kalojë me sukses Qeveria e Maqedonisë
- Publikohet vendimi i shpërblimeve, për 18 muaj KSHZ ka marrë 30 rroga
- Bejli: Anëtarët e KSHZ-së e kanë shpërblyer vetveten me nëntë rroga bonus
- Kompensimet janë bërë në bazë të rregullave ligjore
- KSHZ nuk ka marrë vetëm nëntë paga, por edhe 30 mijë euro për reprezentim
