REPUBLIKA POETIKE SHQIPTARE

Recension për librin jubilar “105 vjet vargje atdheut”.

Libri “100 vjet vargje atdheut”pa dritë në në vigjiljen e shënimit e të kujtimit të 100-vjetorit të shtetit aktual, Shqipëri. Kjo nuk pati fatin të jetë e plotë, por e copëtuar dhe më shumë se gjysma e saj e rirobëruar, e pushtuar nga fqinjtë e tyre grabitçarë. Së këndejmi, pjesa jugore e trojeve shqiptare, Çamëria, u aneksua nga Greqia, pjesa shqiptare e Kosovës nga ish-Jugosllavia.

Përkundër plagës së re risunduese, ishte fat se pas kohës së Skenderbeut Shqipëria u bë dhe u pranua shtet i njohur në botë, me shpresë se një ditë rrjedha e historisë do të jetë në të mirë të shqiptarëve.

Ndonëse territoret shqiptare gjeografikisht e administrativisht u copëtuan, libri që keni në duar nuk e ka këtë fat. Në të të shkrimtarët, poetët shqiptarë, janë në një sofër tok me amën Shqipëri, pleqërojnë për fatin e atdheut dhe të etnisë, i përshfaqin aspiratat e tyre për liri dhe pavarësi të plotë përmes llojeve e stileve poetike kudo që janë, duke sjellë para lexuesve veçantitë krijuese autoriale dhe vendore .

Fadil Curri

Shkruan: Fadil Curri

Artikullimi përmes gjuhës poetike nëpër kohë e lëvizje të ndryshme kulturore, shpesh duke flijuar edhe kënaqësinë e jetës e të vetë jetës, sidomos e Rilindjes Kombëtare Shqiptare e të obskurantizmit komunist ballkanik, kur u formësua ideshmëria apirative përmes poezisë, pastaj klithmat mospajtuese e daktisjes së tërësisë shqiptare, shprehin pasuri artistike e ideore panshqiptare jo vetëm të kohës kur u shkruan, por edhe te brezat e pastajmë si duhet lidhur nyja e strategjisë çlirimtare kombëtare përmes poezisë. Metafora rrezatuese e vargur shqiptar e shkrimtarëve të ish-Jugosllavisë është busull e ecjes së lirë drejt lirisë individuale e kolektive të njeriut e popullit.

Përmes vargjeve të përkushtimta me decenie e shekuj u fisnikërua shpirti shqiptar deri në ditët e sotme e tëhu, të cilat i hasim dendur edhe në ribotimin e këtij libri pas 5 vitesh jubilare, këtë herë për nder të 105-vjetorit të shtetit shqiptar. Vargjet e kulluara mirë me brumë e frymëzimisht atdhetar këtu i këngëtojnë poetët nga Shqipëria aktuale, ata nga Kosova, Maqedonia, Çamëria, Mali i Zi, Lugina e Preshevës, nga kolonitë shqiptare të Italisë e mërgata. Është spektër kulturifikues letrar që frymon shqip, që porosit në këtë gjuhë dhe trimëron shpesëdhënshëm po kështu. Libri “105 vjet vargje atdheut”, që e keni në duar, i ngjan një republike letrare me gjuhë të zgjedhur të shpirtit poetik shqiptar.

Libri “105 vjet vargje atdheut”- Sulm e Lot, përfshinë poezitë e 105 autorëve nga tradita dhe bashkëkohësia, të përzgjedhura nga shkrimtari Ekrem Ajruli, e botuar nga Arbëria Design në Tetovë më vitin 2017 dhe ka 256 faqe.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP