Incident i ri, një qen endacak kafshoi nënën dhe djalin e saj në Shkup

Një qen endacak dje pasdite i sulmoi dhe i kafshoi një nënë dhe djalin e saj në rrugën “Pero Nakov” në Shkup. Babai, R.A. (43), rastin e ka denoncuar në polici.

Siç informojnë nga MPB, R.A. ka denoncuar dje rreth orës 14:30 se në rrugën “Pero Nakov” bashkëshortja e tij Z.R. (36) dhe djali i tyre gjashtëvjeçar janë sulmuar nga një qen endacak. Fëmija është kafshuar në pjesën e dorës së majtë dhe i janë shkaktuar lëndime të dukshme, ndërsa Z.R. ka marrë lëndime në këmbën e majtë.

Nga mjeku i ndihmës së shpejtë u është ofruar ndihmë mjekësore, ndërsa më pas janë dërguar në Klinikën infektive në Qendrën klinike “Nënë Tereza”.

Sipas deklaratave të të dëmtuarve dhe dëshmitarëve, bëhet fjalë për qen endacak.

Nga Stacioni Policor i Gazi Babës është njoftuar shërbimi Shinter i Qytetit të Shkupit, i cili e ka kapur qenin dhe e ka dërguar në Qendrën për mbrojtjen e qenve-endacakë “Vardarishte”.

Ndryshe, rast i njëjtë ka ndodhur edhe në Lagjen Aerodrom dy ditë më parë një qen endacak disa herë i ka sulmuar dhe kafshuar dy gra dhe katër fëmijë.

LEXO: Shkup, dy gra dhe katër fëmijë mbrëmë janë sulmuar dhe kafshuar nga një qen

Lajme të ngjashme

Leave a Reply

Your email address will not be published. Required fields are marked *

Back to top button