Tilerson bën apel për përshpejtimin e reformave në Ballkan
Sekretari amerikan i shtetit Reks Tilerson sot në Vjenë vlerësoi se edhe krahas përparimit të caktuar të Ballkanit, në disa pjesë të rajonit edhe më tej është prezent jostabiliteti.
“Qeveritë duhet t’i përshpejtojnë reformat ekonomike dhe politike, duke përfshirë dhe përforcimin e institucioneve, luftën kundër korrupsionit dhe përforcimin e sundimit të së drejtës”, deklaroi Tilerson në fjalimin në seancën e 24-t të Këshillit të Ministrave të Organizatës për Siguri dhe Bashkëpunim në Evropë (OSBE), që po mbahet në Vjenë.
Sipas tij, zbatimi i reformave paraqet “hap kyç” për stabilitet dhe prosperitet të Ballkanit.
Si çështje me rëndësi të veçantë, Tilerson e theksoi zbatimin e marrëveshjes për reforma në Bosnjë e Hercegovinë, veçanërisht nga aspekti që në vitin 2018 vendit i paraprijnë edhe zgjedhje për organet e pushtetit në nivel qendror edhe në të dy etnitetet.
