Pentagon kumtoi të dhëna të reja për shifrën e ushtarëve të tyre në Siri

Ministria e Mbrojtjes së SHBA-së ka bërë të ditur se në Siri janë afërsisht 2.000 ushtarë amerikanë, katërfishi i numrit që zyrtarët amerikanë kanë pranuar deri tani.

Shifra pasqyron një urdhër të Sekretarit të Mbrojtjes Xhim Matis për të rishikuar sesi Pentagoni llogarit numrin e personelit të dislokuar për të kryer operacionet madhore në Irak dhe Siri. Shifra e re nuk do të thotë se janë dislokuar trupa shtesë, por tregon një pasaktësi të madhe në shifrat e dhëna më parë.

Numri i rishikuar i trupave amerikane në Irak mbetet i njëjtë si më parë, rreth 5.200, ndonëse zëdhënësi i Pentagonit Robert Mening theksoi se numri i forcave amerikane është gjithashtu në rënie.

“Ne shpresojmë që kjo prirje të vazhdojë,” tha ai.

Sipas zëdhënësit të Pentagonit Erik Pahon, shifrat e reja ende përjashtojnë misionet e ndjeshme dhe llojet e caktuara të personelit, si personeli i sigurisë i bashkangjitur në ambasadën e SHBA në Irak.

Departamenti i Mbrojtjes dha një rishikim të ngjashëm për numrin e trupave në Afganistan në gusht, duke ndryshuar numrin e pranuar të trupave nga rreth 8.400 trupa në 11.000 trupa. 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP