Gjeorgji, protesta për shkak të arrestimit të Saakashvilit në Ukrainë

Në kryeqytetin e Gjeorgjisë, Tbilisi, janë organizuar protesta për shkak të arrestimit të ish-presidentit të këtij vendi, Mikheil Saakashvili, raporton Anadolu Agency (AA).

Krerët e Lëvizjes së Bashkuar Kombëtare si dhe shumë qytetarë morën pjesë në marshin protestues pasi Saakashvili u arrestua të martën në Kiev, Ukrainë.

Anëtarët e partisë dhe qytetarë u mblodhën në rrugën Rustaveli, prej ku ecën deri te godina e Qeverisë. Protestuesit mbanin flamuj të Gjeorgjisë dhe Ukrainës duke brohoritur me slogane “Rroftë Gjeorgjia “ dhe “Rroftë Saakashvili”.

Nika Melia dhe Zaal Udumashvili, krerët e partisë, akuzuan Qeverinë e Gjeorgjisë dhe Ukrainës për komplot kundër Saakashvilit.

Ish-presidenti i Gjeorgjisë, Mikheil Saakashvili, të cilin më herët iu pezullua shtetësia ukrainase, u arrestua të martën në Ukrainë. Saakashvilin nga automjeti i forcave të sigurisë e liruan mbështetësin e tij.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP