Ju prezantojmë me vajzën e Cristiano Ronaldos, një yll kopertinash (FOTO)

Më 12 nëntor Cristiano Ronaldo u bë baba për herë të katërt dhe lajmin e bukur e dha vetë ylli portugez nëpërmjet një fotoje në Instagram, e cila shumë shpejt u rendit në fotot më të pëlqyera për 2017, transmeton Revista Class.

Ndryshe nga shumë personazhe të tjerë të famshëm, Ronaldo nuk ka nguruar që të postojë foto të fëmijëve të tij në rrjetet sociale, jo vetëm një pjesë të këmbës apo doçkave të vogla, siç shumë prej tyre e bëjnë, por na ka treguar edhe fytyrën e tyre. Të njëjtën gjë ka bërë edhe me Alana Martinën, e cila ndonëse nuk i ka bërë ende një muaj, është bërë pjesë e kopertinës së një prej revistave prestigjoze, ‘Hola’.

Në kopertinë, kësaj herë nuk është familja e madhe, por vetëm Georgina dhe vajza e vogël. Është ende herët për të thënë se me kë ngjason më tepër vogëlushja, por nuk mund të mos themi që është shumë e bukur.

Ronaldo është baba i katër fëmijëve, Ronaldo Jr, binjakëve Eva Maria dhe Mateo, nga nëna surrogate dhe vogëlushes së sapo ardhur në jetë, Alana Martina me të dashurën e tij, Georgina Rodriguez.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP