Shekerinska: Integrimi në NATO prioritet kryesor i Maqedonisë

Ministrja e Mbrojtjes Radmilla Shekerinska në takimin me sekretarin shtetëror parlamentar në Ministrinë gjermane të Mbrojtjes Ralf Brauksile ka theksuar se integrimi i Maqedonisë në NATO, është në krye të prioriteteve të Qeverisë.

Siç informojnë nga Ministria e e Mbrojtjes, Shekerinska ka shtuar se anëtarësimi i Maqedonisë në Aleancë do të tregojë se politika e dyerve të hapura të NATO-s është e gjallë dhe se jep rezultate.

“Vetëm me integrimin e vendeve-aspirante në NATO, rajoni i Ballkanit Perëndimor dhe Ballkani në tërësi do të jetë i qetë, i sigurt dhe prosperues”, tha ministrja.

Shekerinska theksoi se demokracia, sundimi i së drejtës, liria e mediave dhe transparenca e plotë ndaj qytetarëve janë shtyllat në të cilat duhet të zhvillohet secili shtet bashkëkohor dhe shtoi se Republika e Maqedonisë është e përkushtuar që këto vlera të bëhen realitet për të gjithë qytetarët e saj.

Në Berlin sot Shekerinska do të takohet edhe me Mihael Rot, ministër shtetëror i Çështjeve Evropiane në Ministrinë e Punëve të Jashtme të Gjermanisë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP