Është zbuluar një kështjellë misterioze, 3000 vjeçare nën një liqen në Turqi (VIDEO)

Misteret e liqenit Van, më i madhi në Turqi, ende po zbulohen nga eksploruesit. Në ekspeditën e fundit u gjetën mbetjet e një kështjelle që daton pothuaj 3000 vjet. Shumë qytetërime janë ngritur përreth liqenit që dikur quhej deti i madh dhe që besohej se fshihte shumë sekrete, shkruan Bota.al. “Këto të dhëna po punojmë t’i zbulojmë, – komenton fotografi Tahsin Ceylan, në krye të ekspeditës të udhëhequr nga universiteti Van Yüzüncü Yıl.

Liqeni Van me origjinë vullkanike ka pësuar ndryshime drastike në nivel uji. Ekspedita të tjera kishin gjetur korale, formacione të çuditshme dhe një anije ruse të mbytur, por jo si ky thesar. Muret e kësaj kështjelle zenë një sipërfaqe të madhe.

“Ka nevojë për më shumë gërmime, por nuk dimë sa të thella janë muret. Duken të paktën 3 ose 4 metra,” – shpjegojnë eksploratorët e agjensisë Anadoll. Besohet se struktura është ndërtuar nga qytetërimi Urartu që ka jetuar në këtë rajon nga shekulli i IX dhe i VI para krishtit. Studimet e bëra mbi mbetjet tregojnë se i përkasin periudhës 3000 vjet më parë, – shtoi guvernatori i distriktit, Arif Karaman. Ekspertët nënvizojnë nevojën për mbrojtje të këtyre strukturave arkeologjike. Kështjella të tjera janë dëmtuar, por uji ka fshehur dhe e ka ruajtur këtë kështjellë, – u shpreh akademiku Mustafa Akkuş.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP