Maqedonia dhe Indonezia do ta avancojnë bashkëpunimin afarist
Delegacioni i Parlamentit të Republikës së Indonezisë, i kryesuar nga Abdul Mlik Haramein, zëvendës-kryesuesi i Grupit për punë religjioze dhe shoqërore dhe për emancipimin e grave, i cili prej dje po qëndron në vendin tonë, sot do të ketë takim pune me kryetarin e Odës ekonomike të Maqedonisë, Branko Azeski.
Delegacioni është përbërë nga përfaqësues të Parlamentit të Republikës së Indonezisë të obliguar për shumë sektorë – bankierë, energjetikë, transport, miniera, bujqësi, telekomunikime…
Në takimin e punës, siç kumtoi Oda, do të bisedohet për avancimin e bashkëpunimit afarist midis dy vendeve.
