Koxias: Duhet të gjendet kompromis për çështjen e emrit

Duhet të gjendet kompromis për çështjen e emrit që të hapet rruga e Maqedonisë drejt BE-së dhe organizatave tjera në të cilat dëshiron të përfshihet, thotë ministri grek i Punëve të Jashtme, Nikos Koxias në një intervistë për gazetën “Etnos”.

“Në rastin me IRJM-në, fqinjët tanë besuan se mund të vazhdojnë me përfshirjen drejt këtyre organizatave pa marrëveshje me ne, diçka që është e pamundur, ndërsa disa prej nesh, megjithatë, besuan se inercia në politikën e jashtme është arma jonë”, thekson Koxias.

Thekson se edhe Athina edhe Shkupi tani kanë kuptuar se duhet të punojnë në bazë të konsensusit dhe kompromisit.

“Të gjithëve bashkëbiseduesit tanë tani u është e qartë se duhet të gjindet kompromis i ndershëm për çështjen për emrin me fqinjin tonë verior. E vërtetë është, gjithashtu, se disa nga BE-ja në të kaluarën kanë krijuar iluzione se rruga drejt anëtarësimit në Union dhe në disa organizata tjera mund të hapet pa kompromis”, thekson Koxias, i pyetur nëse tani është momenti për zgjidhjen e kontestit për emrin me Shkupin.

Siç bëri të ditur MIA, pas pauzës së gjatë, bisedimet për emrin midis Maqedonisë dhe Greqisë me ndërmjetësimin e përfaqësuesit të KB-së Methju Nimic, do të vazhdojnë në Bruksel më 11 dhe 12 dhjetor.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP