Terrori i 27-prillit, Qeveria e Maqedonisë deklarohet për arrestimet e djeshme
Nga Qeveria e Maqedonisë sot komentuan arrestimet e djeshme të të akuzuarve në bazë të veprës penale, “kërcënim terrorist të rendit dhe sigurisë kushtetuese”, duke thënë se insitucionet janë të detyruara që të zbardhin rastin, raporton Portalb.mk.
LEXO: Kryeministri Zaev tregoi se çfarë kanë biseduar në takim me Gjorgje Ivanovin dhe Nikolla Gruevskin
Këtë e bëri të ditur sot zëdhënësi i Qeverisë së Maqedonisë, Mile Boshnjakovski.
“Qeveria e Maqedonisë vlerëson se institucionet në vend kanë kredibilitet të plotë që të informojnë në bazë të ligjeve në lidhje me rastin e 27-prillit. Konsiderojmë se institucionet janë të detyruara që ta zbardhin rastin duke u thirr në sundimin e ligjit dhe të drejtësisë dhe të mos përsëritet rasti i njëjtë”, tha Boshnjakovski.
Sa i takon takimit të mbrëmshëm ndërmjet kryeministrit të Maqedonisë, Zoran Zaev dhe liderit të opozitës maqedonase, VMRO-DPMNE, Nikolla Gruevski në presidencën e Maqedonisë, Gjorge Ivanovit, nga Qeveria e Maqedonisë konsiderojnë se “është një mbledhje e rregullt, në kuadër të proceseve demokratike. Thirrja ka ardhur nga presidentit i Ivanovit, kryeministri Zaev ka qenë i pranishëm në atë takim dhe atje u bisedua për çështjet e hapura dhe ngjarjet që kanë ndodhur ditë më parë. Në takim ka qenë edhe lideri i VMRO-DPMNE-së, Nikolla Gruevski”, tha Boshnjakovski.
Se nëse ka qenë i rregullt takimi, pse nuk u informuan mediat për të, Boshnjakovski tha “takimi i Ivanov – Gruevski – Zaev, është organizuar kabineti i kryetarit të shtetit dhe ju udhëzojë që këtë çështje ta shtroni në kabinetin e Ivanovit”.
Përndryshe, takimi u mbajt pas arrestimit të djeshëm të 36 personave për dhunën në Kuvend më 27 prill. Në lidhje me takimin e mbrëmshëm nga kabineti i Ivanovit thanë se: “Qëllimi i takimit ishte të stimulohet pajtim dhe normalizim i proceseve politike në Republikën e Maqedonisë. Të pranishmit në takim u dakorduan bisedat të vazhdojnë edhe në të ardhmen”, qëndron në kumtesë.
Ndryshe, më 27 prill të 2017 në Kuvendin e Maqedonisë protestuesit e “Maqedoni të Përbashkët” pas shpalljes së kryeparlamentarit të ri të Maqedonisë, Talat Xhaferi hyrën në shtëpinë legjislative duke demoluar dhe terrorizuar gjithçka para vetes. Në këtë sulm ndaj Kuvendit u sulmuan edhe deputetë e gazetarë të shumtë.
LEXO MË SHUMË:
- Kërste Mukoski me pranga në duar u soll në Gjykatë (VIDEO)
- Deputetët e arrestuar nuk i mbron as imuniteti i deputetit, ja pse
- Prokuroria kërkon paraburgim për Çavkov dhe 35 persona tjerë që ndiqen për kërcënim terrorist të rendit dhe sigurisë kushtetuese
- MPB i ka arrestuar Mukoskin, Qoseto, aktorin Jovanovski dhe disa persona tjerë
- Çka parashikon Rregullorja e Kuvendit në rast të arrestimit të deputetit?
- Organizatori i protestave “Për Maqedoni të përbashkët” Betmen është dërguar në Gjykatë
- Ish-kryetari i Kuvendit, Veljanovski i fton institucionet ta përmirësojnë gabimin
- Arrestimet për terrorin e 27-prillit në Kuvend, Gruevski dhe VMRO protestojnë para Gjykatës së Shkupit (VIDEO-FOTO)
- Ekipi i Makfaks është sulmuar nga turma e protestuesve të VMRO-DPMNE-së (VIDEO)
- Gruevski kërkon lirimin e menjëhershëm të të gjithë të ndaluarve (VIDEO)
- Sulmi i 27-prillit, të arrestuarit e sotëm mund të dënohen më së paku me një dekadë burg
- Gjykata Penale caktoi paraburgim për Çavkov dhe disa persona tjerë pjesëmarrës në ngjarjet e përgjakshme të Kuvendit