Mnangagva zyrtarisht është presidenti i ri i Zimbabves
Presidenti i ri i Zimbabves, Emerson Mnangagva sot dha betimin dhe premtoi se do t’i përkushtohet punës për mirëqenie të qytetarëve.
Mnahgagva do të jetë në atë detyrë deri vitin e ardhhsëm, kur përfundon mandati presidencial. Data për mbajtjen e zgjedhjeve të reja nuk është konfirmuar.
Dhjetëra mijë persona janë mbledhur në stadiumin dhe me ovacione e përshëndetën presidentin e ri, i cili e zëvendësoi Robert Mugaben.
Mnahgagva është ish bashkëpunëtor i afërt i Mugabes, por presidenti i deritanishëm në fillim të muajit e shkarkoi nga funksioni nënpresident nën akuzë për “jolojalitet”, pasi hyri në konflikt të hapur me bashkëshorten e tij Grejs Mugabe.
Mnahgagven e quajnë “Ngvenja” (Krokodil) për shkak të dinakërisë dhe mospërfilljes.
Ky ndërrim shkaktoi intervenim të papritur të ushtrisë, e cila e ka mbështetur Mnahgagvan, sepse nuk lejonin Mugabe të trashëgohet nga bashkëshortja e tij Grejs.