Rasti “Shuplakat”, 6 muaj burg me kusht për Tomisllav Llazarovin

Vetëm 6 muaj burg me kusht për Tomsillav Llazarovin, i cili është i akuzuari i katërt për rastin “Shuplakat” në Komunën Qendër, njofton Portalb.mk.

Ai nuk ka dashur ta komentojë vendimin e Gjykatës Penale për kryerjen e veprës penale, me qëllim që siç tha ai “nuk do ta dëmtojë procedurën”. Vendimi është i plotfuqishëm, pasi që edhe ai, por edhe PSP kanë hequr dorë prej ankesës.

Përndryshe, sipas aktakuzës së Prokurorisë Speciale Publike, Llazarov, i akuzuar për dhunë, bashkë me persona të tjerë, ka nxitur dhe ka organizuar disa anëtarë të VMRO-DPMNE për protestë kundër rrënimit të kishës “Shën Konstandini dhe Elena” e cila ishte në fazën e ndërtimit në bulevardin “Maqedonia”.

Ndryshe, në seancën ku Llazarov u deklarua se është fajtor të akuzuarit tjerë, Nikolla Gruevski dhe Mile Janakieski thanë se nuk ndjejnë faj. Faj nuk ndjen as deputetja Daniella Rangellova e cila gjatë ngjarjeve ishte këshilltare në Komunën Qendër.

Ndërkaq, në fillim të gjykimit i akuzuari i shtatë Dimçe Kërstev kërkoi shtyrje të gjykimit sepse nuk është ndjerë mirë. Gjykatësja Mihajllova e liroi Kërstevin nga gjykimi paraprak dhe me kërkesë të prokurores Fatime Fetai e veçoi procedurën për të. Gjithsej në këtë rast janë të akuzuar 14 persona.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP