Turqia insiston që SHBA-ja ta ekstradojë Fetulla Gylenin

Ministri turk i Drejtësisë, Abdylhamit Gjyl deklaroi se Turqia deri më tani i ka dërguar shtatë kërkesa SHBA-së për ekstradimin e predikuesit islamik, Fetulla Gylen, të cilin Ankaraja e akuzon se është organizator i tentimit të vjetshëm për grusht shtet në vend.

Sipas Gjyl, SHBA-ja deri më tani nuk ka vepruar për asnjërën për këto kërkesa, me çka praktikisht “janë duke e fshehur kriminelin nga drejtësia”.

“Vazhdojmë të presim dhe të kërkojmë nga SHBA-ja të mos e fshehin udhëheqësin e terroristëve dhe ta dorëzojnë para gjykatës së pavarur dhe të paanshme. E drejta e popullit turk në bazë të marrëveshjeve ndërkombëtare është që ta presë këtë”, deklaroi Gjyl.

Gjylen me dekada jeton në SHBA dhe menaxhon me rrjetin e tij global të kompanive dhe institucioneve arsimore nga prona e tij në Pensilvani. Turqia e akuzon se përmes ithtarëve të tij në armatën dhe shërbimet e sigurimit e ka organizuar tentimin për grusht shtet më 15 korrik të vitit 2016, kur qindra persona u vranë, ndërsa mbi 2.000 u plagosën.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP