+9 në FIFA, Panucci: Unë ndryshe nga De Biasi
Shqipëria është ngjitur me 9 pozicione në renditjen mujore të FIFA-s dhe trajneri i Kombëtares shqiptare të futbollit ka përse të gëzojë, transmeton Top Channel.
Panucci pranoi se ka ndryshuar filozofinë e lojës në krahasim me De Biasin. Në një konferencë për shtyp, ai thotë se kjo i bën të pashmangshme ndryshimet në Kombëtare.
“De Biasi kishte mënyrën e tij të punuarit, unë kam timen, prandaj mendoj se janë të pashmangshme ndryshimet në skuadër”, u shpreh ai.
Lidhur me prurjet e reja?
“Po ndjek 2-3 lojtarë për të thërritur në Kombëtare dhe kemi të tjerë për të parë”, deklaroi ai.
Trajneri italian u zotua se do të japë maksimumin për skuadrën, ndërkohë që vlerësoi edhe njëherë tjetër lojën e zhvilluar nga “Kuqezinjtë” në përballjen miqësore me Turqinë.
