Gjermani, policia gjeti qindra sende të vjedhura të John Lennon

 Dy pako cigare, nota muzikore të shkruara me dorë, tre ditarë dhe dy palë syza metalike me nënshkrim të John Lennon, ishin në mesin e sendeve të vjedhura të yllit të Beatles-ve, të cilat janë gjetur në Gjermani, transmeton Anadolu Agency (AA).

Zëdhënësi i policisë së Berlinit, Winfrid Wenzel, të martën gjetjen e qindra sendeve të Lennon-it e quajti “sukses të madh” për botën e muzikës si dhe për Yoko Ono, e veja e muzikantit të ndjerë.

Për herë të parë, autoritetet gjermane mësuan për sendet e vjedhura, të cilat u vodhën nga Ono në vitin 2006, kur i kontaktuan në korrik administrata e falimentimit të shtëpisë së ankandit në Berlin.

Dy javë më vonë u konfiskuan sende nga drejtuesit e ankandit, ndërsa të hënën arrestuan të dyshuarin për vjedhje dhe bastisën shtëpinë e tij në Berlin dhe automjetin.

Nga policia thonë se i dyshuari i dytë jeton në Turqi dhe momentalisht është “i pakapshëm” për organet gjermane të ndjekjes.