Iran: Lideri Suprem kërkon më shumë ndihma për të mbijetuarit e tërmetit
Lideri Suprem iranian, Ayatollah Ali Khamenei, u ka bërë thirrje autoriteteve që të ofrojnë më shumë ndihma për të mbijetuarit e tërmetit shkatërrues që goditi vendin para një jave.
Khamenei ka folur para banorëve në provincën Kermanshah, që u godit nga tërmeti me magnitudë 7.3 ballësh, e që vrau 530 njerë dhe la të lënduar mijëra të tjerë, transmeton REL.
Khamenei vlerësoi operacionet e shpëtimit, por ai shprehu pakënaqësi rreth mënyrës së shpërndarjes së ndihmave për njerëzit e ndikuar nga tërmeti.
“Unë besoj se zyrtarët duhet t’i dyfishojnë përpjekjet e tyre”, ka thënë Khamenei gjatë vizitës së tij.
Të mbijetuarit e tërmetit, të ngujuar në kufirin e Iranit me Irakun, po përballen me mungesë të ushtqimit, pajisjeve për ngrohje dhe tenda.
