Sekretari i Përgjithshëm i NATO-s i kërkon falje presidentit Erdogan

Sekretari i Përgjithshëm i NATO-s, Jens Stoltenberg, duke telefonuar presidentin e Turqisë, Recep Tayyip Erdoğan, i ka kërkuar falje për skandalin e “armiqësisë ndaj Ataturkut dhe Erdoğanit”, në stërvitjen e NATO-s, transmeton Anadolu Agency.

Sipas informacioneve nga burimet e Presidencës së Turqisë, bëhet e ditur se Stoltenberg ka kryer një bisedë telefonike me presidentin Erdoğan. Në bisedë Stoltenberg ka theksuar se autoritetet e komandës kanë nisur hetimin e nevojshëm dhe se i është dhënë fund menjëherë detyrës së teknikut norvegjez me kontratë i cili ka qenë shkaktarë i ngjarjes, përcjell Portalb.mk.

Duke vënë në dukje se Turqia është një aleat i rëndësishëm për NATO-n, Stoltenberg, ka njoftuar se do të merren të gjitha masat e nevojshme që mos të përsëritet më një ngjarje e ngjashme dhe ka theksuar ndër të tjera se shpreson që skandali i përjetuar të mos ndikojë negativisht në marrëdhëniet mes NATO-s dhe Turqisë.

Lajme të ngjashme

Leave a Reply

Your email address will not be published. Required fields are marked *

Back to top button