Maqedoni, në aksident rrugor ndërroi jetë një 19-vjeçar
Nëntëmbëdhjetëvjeçari nga Radovishi ka ndërruar jetë sot në mëngjes pas aksidentit rrugor të dy veturave, njofton Portalb.mk.
Siç bëjnë të ditur nga Ministria e Punëve të Brendshme (MPB) aksidenti ka ndodhur ndërmjet dy veturave “Golf” dhe “Mercedes” i cili ndodhi në magjistralen Radovish-Strumicë.
Me “Golf”-in ngiste Kristian R., i lindur më vitin 1998 i cili ndërroi jetë në vend të ngjarjes. Ai ka qenë i shoqëruar nga Elena G., gjithashtu e lindur më 1998 e cila ka marrë lëndime të rënda trupore dhe është dërguar në Shtëpinë e Shëndetit në Radovish me veturën e Ndihmës së Shpejtë. Me “Mercedes”-in udhëhiqte Teodor J., 48 vjeç.