“Shkupi” promovoi 7 libra nga autorë shqiptarë

Me promovimin e shtatë titujve nga autorë shqiptarë, Shtëpia Botuese “Shkupi” sot përfundoi aktivitetin e begatshëm letrar të sivjetmë i cili erdhi në kuadër të festave të nëntorit, njofton Portalb.mk.

Promovimi i shtatë librave u pasua nga promovimi i librave të letërsisë turke dhe Ditëve të Letërsisë Suedeze që u organizuan pak kohë më parë.

Për librin “KRONISTI I VETMUAR NË QYTETIN E KONZUJVE” të gazetarit të njohur nga Manastiri, foli publicisti Daut Dauti.

Librin “PALLË KRITIKE MBI QEPALLËN AGONIKE” të Fadil Currit, foli Rexhep Bajrami.

Fadil Curri u bëri një vështrim dy veprave të teologut në mërgim, Zekerija Idrizit, “LETËR BIJAVE TË MIA” dhe “LETRA SHPIRTI”, ndërkaq publicisti dhe shkrimtari Rahim Ganiu foli për përmbajtjen e dy autorëve të tjerë, “ME LIBRIN, NGA PANAIRI NË PANAIR” të Rahim Dautit dhe vëllimit poetik “TINGUJ VARGJESH” të poeteshës së re, Semine Hasani. Për poezitë e Daut Dautit nga përmbledhja “SYRI I KEQ”, foli shkrimtari. Halil Zendeli.

Në mbarim të promovimit, botuesi Azam Dauti shpërndau libra falas për gjithë mysafirët, kurse komplete librash u dhuroi disa personaliteteve shoqërore, letrare, politike dhe biznesit: Rabije Lokut, drejtoreshë e Çerdhes “Fidani”, Shkup, Avni Kallabës, shef i sektorit për Marrëdhënie me Publikun në Komunën e Çairit, Daim Ilazit, poet dhe diplomat, Fadil Currit, shkrimtar dhe publicist, Sabahudin Zhutës, profesor universitar, Alush Kamberit, gazetar, Tahir Seferit (rapsod), Nijazi Muahmedit, opinionist dhe Xhemail Dauti, biznesmen dhe pronar i kompanisë “Dauti Komerc”.

Këtë aktivitet letrar e mbështeti edhe Ministria e Kulturës, përmes programit “Vala e re kulturore”, e në të cilën ishte e paraparë pjesëmarrja edhe e ministrit Robert Allagjazovski, por që për shkak të aktiviteteve të ngjeshura nuk mori pjesë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP