Pesë zv/sekretarë do të ketë Kuvendi, LSDM arsyetohet me dhjetë grupet e VMRO-DPMNE-së

Propozimi për të shtuar edhe për tre zëvendësit e sekretares së Kuvendit të Maqedonisë, Cvetanka Ivanova përfundoi së debatuari por jo edhe për të sjellë vendim për të, pasi që i njëjti u caktua për më 24 nëntor, njofton Portalb.mk.

Kërkesën për shtim të zëvendësit e sekretarit kuvendar nuk u votua pasi që nuk kishte kushte por as edhe amandamenti i Dimitar Stevananxhia dhe Zoran Ilioskit nuk mori dritë jeshile.

Deputetët e opozitares së VMRO-DPMNE-së kërkuan që të ndërprehet kjo kërkesë, mirëpo nga LSDM thonë se me 5 zëvendës të sekretarit gjeneral do të shtohej efikasiteti i Kuvendit.

“Çfarë dobie do të kenë qytetarët e Maqedonisë që nga dy të kemi pesë zëvendës të sekretarit gjeneral”, tha deputeti i VMRO-DPMNE-së, Dragan Donev.

Nga LSDM kërkesën për pesë zëvendës të sekretarit të Kuvendit e krahasojnë me dhjetë grupet parlamentare të VMRO-DPMNE-së.

“Më tregoni se deri më sot kjo shtëpi legjislative a ka pasur dhjetë grupe parlamentare nga një koalicion. Dhjetë grupe parlamentare të cilat për një kohë të gjatë e pengojnë, bllokojnë dhe zvarrisin punën e Kuvendit”, tha deputetja e LSDM-së, Sllavica Shumanovska Miteva.

Në rend të ditës së seancës së sotme kuvendare ishte edhe ndryshimi i Kodit Penal, por, siç njoftoi Talat Xhaferi ai u tërhoq për shkak se Qeveria e ka kthyer prapa.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP