Basha: Shqipëria, në listën e zezë të SHBA-së, hetim projektit “1 miliard euro”

Kryetari i PD, Lulzim Basha deklaroi e, akuzat e opozitës ndaj qeverisë për pastrimin e parave të drogës vërtetohen nga raporti i Departamentit amerikan të Shtetit, transmeton Top Channel.

“Është hera e parë që Shqipëria përfshihet në listën e vendeve të pastrimit të parave, e hartuar nga qeveria amerikane”, ka deklaruar Basha.

Sipas tij, në gusht 2017, një tjetër raport ndërkombëtar për pastrimin e parave, Indeksi i Bazelit, e renditi Shqipërinë si një ndër 3 vendet kryesore për rrezikun e pastrimit të parave në Europë.

“Janë me qindra milionë euro të grumbulluara nga trafiku i drogës. Nuk ka dyshim që kur pallatet ndërtohen në kohë krize ekonomike janë para nga trafiku i drogës. Nuk ka dyshim që kontratat e koncesioneve që Rama i mban të fshehta të jenë pastrim i parave të drogës”, ka thënë Basha.

Ai ka theksuar se, në Shqipëri paraja e pistë po sposton atë të pastër dhe po mban larg investimet e huaja, të cilat sipas tij kanë munguar në 4 vitet e fundit.

Duke akuzuar qeveritarët se blejnë vila dhe pasuri të tjera të patundshme brenda e jashtë Shqipërisë, Basha ka nënvizuar se duhet patjetër të ndalet projekti “1 miliard euro” dhe për këtë i ka bërë thirrje prokurorisë që të hetojë.

“Duhet të ndalim kapjen nga krimi. Projekti “1 miliard euro” duhet të ndalet tani. Prokuroria duhet të hetojë pastrimin e parave dhe krimin e lidhur me të. Është koha t’i themi ndal Ramës dhe krimit në politikë”, ka shtuar Basha.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP