Tërmeti dhe temperatura nën zero gradë, mijëra persona në qiell të hapur (FOTO)

Mijëra iranianë kaluan një natë të dytë në qiell të hapur dhe në temperatura thuajse zero, pas tërmetit të fuqishëm që goditi perëndimin e vendit. Qeveria vendase po përpiqet që të dërgojë ndihmë në zonat e goditura më rëndë në provincën malore Kermanshah, ku qindra shtëpi janë shkatërruar.

Të paktën 413 njerëz humbën jetën dhe rreth 700 të tjerë u plagosën si pasojë e tërmetit që ndodhi në zonën kufitare mes Iranit dhe Irakut, transmeton Top Channel.

Autoritetet irakiane ndërkohë bënë me dije se 9 persona humbën jetën dhe disa qendra të tjerë u plagosën për shkak të tërmetit që goditi zona me dendësi të ulët popullsie pranë kufirit. Shumë e ndryshme situata në Iran, ku me mijëra fjetën jashtë banesave të tyre pavarësisht të ftohtit.

Mediat lokale bëjnë me dije se banesat e shumë prej atyre që fjetën jashtë, ishin të paprekura nga tërmeti, por njerëzit kishin frikë të ktheheshin brenda prej lëkundjeve dytësore.

Rreth 70 000 njerëz kanë nevojë për ndihmë dhe strehë, ndërsa OKB bëri me dije se ishte e gatshme të ndihmonte nëse Irani e kërkon këtë.

Aktualisht, dhjetëra ekipe të Gjysmëhënës së kuqe po punojnë në zonën e goditur nga tërmeti, ku në pjesën më të madhe mungon uji dhe energjia elektrike, ndërsa raportohet se rrugët e bllokuara nga tërmeti po pengojnë ndjeshme këto përpjekje.

Lajme të ngjashme

Leave a Reply

Your email address will not be published. Required fields are marked *

Back to top button