Angjushev në Uashington: Investuesit nga Amerika janë të mirëseardhur në Maqedoni

Investuesit nga Amerika janë të mirëseardhur të investojnë në Maqedoni, ndërsa Qeveria i ndërmerr të gjitha hapat me të cilat garantohet stabilitet dhe klimë e favorshme biznesi.

Këtë rekomandoi nënkryeministri për Çështje Ekonomike, Koço Angjushev në takimin me senatorin Kristofer Marfi të mbajtur në Uashington, ku nënkryeministri mori pjesë në Forumin transatlantik ekonomik të titulluar “Ndërtimi i urave në Mesdhe”.

Kabineti i nënkryeministrit për Çështje Evropiane njoftoi se Angjushev në takim e njohu senatorin Marfi me  aktivitetet  reformatore të Qeverisë të Republikës së Maqedonisë, duke theksuar  përkushtueshmëri të fortë drejt integrimit më të mirë euroatlantik të vendit.

“Sundimi i të drejtës është parakusht për tërheqjen e kapitalit të huaj. Qeveria nga dita e parë po ndërmerr të gjitha hapat me të cilat garantohet një klimë stabile dhe e volitshme për biznes. Investuesit nga Amerika janë të mirëseardhur të investojnë në Maqedoni”, theksoi Angjushev.

Ai theksoi se Qeveria e RM-së është e foksuar  në kthimin e plotë të besimit të qytetarëve tek institucionet dhe nënvizoi se e ardhmja e vendit është në anëtarësimin në NATO dhe në Bashkimin Evropian.

Kristofer Skot Marfi është anëtar i njohur në Komitetin e Punëve të Jashtme të Senatit të SHBA-së dhe është njohës shumë i mirë i gjendjeve në rajonin e Evropës Juglindore.

Marfi theksoi se SHBA-ja i përkrah proceset reformatore në Republikën e Maqedonisë, duke theksuar interesin e Uashingtonit zyrtar për një rajon të sigurt dhe stabil, tërësisht të integruar në NATO dhe në BE.

Duke i shprehur falënderime senatorit Marfi për përkrahjen e prioriteteve strategjike të Qeverisë së republikës së Maqedonisë, nënkryeministri Angjushev theksoi se pret një qasje konstruktive dhe se ndihma e SHBA-së do të vazhdojë edhe më tej në drejtim të anëtarësimit të barabartë të vendit  në NATO.

Sot gjatë Forumit ekonomik transatlantik nënkryeministri Angjushev do të mbajë fjalim në panelin “Maqedonia: Fillimi i një faqeje të re”.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP