Përfundoi edicioni i parë i “Othellos”, “Darka e thërrimeve” ndër shfaqjet më të vlerësuara (VIDEO)

Edicioni i parë i Festivalit Teatror “Othello” dje pati natën e pestë, natë kjo që pjesëmarrësit nga Kosova, Shqipëria dhe Maqedonia i gjeti nën ethet e garës pasi që u dhanë edhe çmimet për paraqitjet e pesë ditëve me radhë, sa edhe zgjati Festivali, njofton Portalb.mk.

Ndër shfaqjet që triumfoi në dy çmime ishte ajo e Teatrit Shqiptar Shkup, “Darka e Thërrimeve” në regji të Qëndrim Rijanit autor i së cilës është Refet Abazi.

Për “Darkën e thërrimeve”, aktorë të së cilës janë Luran Ahmeti dhe Amernis Nokshiqi nga juria në përbërje të së cilës është Sulejman Rushiti, Muzafer Etemi dhe Ismet Ramadani u ndanë çmimi ‘shfaqja më e mirë’ dhe ‘aktorja më e mirë’.

Pas marrjes së çmimit ‘shfaqja më e mirë’, regjisori i “Darkës së thërrimeve”, Qëndrim Rijani falënderoi publikun duke vlerësuar se Festivali “Othello” të jetë rrënjë e themelimit të një teatri në Gostivar.

“Faleminderit publikut sepse është një kënaqësi. Vërtetë festivali është rrënja e hapjes së një teatri në Gostivar. Është kënaqësi e madhe që kemi këtë çmim në dorë dhe i cili mban vulën e Teatrit Shqiptar që në vazhdimësi shkon duke bërë më i mirë, ka vulën e Amernisit dhe Luranit e tërë stafit që punuam në shfaqjen “Darka e thërrimeve”. Shpresoj që vitin e ardhshëm të shihemi në një institucion, teatër të mirëfilltë”, tha Rijani.

Shfaqja “Një jetë me ty” në regji të Erion Krame mori çmimin ‘aktori më i mirë” me aktorin Romir Zalla.

Ndërkaq regjisori i shfaqjes “Psikozë n’4: 48” e autores Sarah Kane, Fatos Berisha mori çmimin ‘regjisori më mirë’.

Image may contain: 2 people, people standing

Erion Krame dhe Romir Zalla

 

Anëtari i jurisë, Sulejman Rushiti u shpreh: “Festivali Othello përfundoi sonte. Sa keq, sepse u mësuam çdo mbrëmje të shohim shfaqje të mrekullueshme. Është kënaqësi kur sheh se niveli i prurjeve teatrore sa vjen e ngritet. Respekt për punën profesionale të trupave. Respekt i veçantë për spektatorin e kultivuar i cili dhuronte energji pozitive. Unë, jam ndjerë sinqerisht shumë mirë kur artistët thoshin: “Kështu pritje të ngrohtë nga spektatori është e rrallë””.

Ndërsa organizatori i Festivalit “Othello”, Berat Saliu për Portalb.mk tha se edicionin e parë e vlerëson si të suksesshëm dhe kjo falë interesimit të madh të publikut i cili dëshmoi se ka nevojë për një teatër në Gostivar.

“Për edicionin e parë ne jemi shumë të kënaqur pasi kemi pasur mbështetje shumë të madhe nga publiku dhe artistët vendas të zhanreve të ndryshme siç janë : dizajner, grafist dhe skulptor. Sigurisht që ne këtë festival që kur e kemi nisur qëllimi ka qenë që të jetë tradicional dhe internacional dhe për këtë ne veç më kemi dorëzuar aplikacionin në Ministrinë e Kulturës për edicionin e dytë. Edhe kryetari i komunës na ka premtuar për mbështetje dhe shpresojmë që ky festival të merë përmasa botërore”, tha Saliu.

Kurse Organizatori tjetër i Festivalit, Argjend Hasani duke u përgjigjur në pyetjet se çfarë e vlerësoni si pozitive dhe negative në këtë edicion ai tha se: “Festivali i Teatrove “Othello” në historinë e Gostivarit vulosi një epokë të re për sa i përket teatrit dhe ngritjes së nivelit artistik kulturor dhe për këtë unë mendoj që ky është mendim më pozitiv për festivalin. E veçanta ka qenë që për 5 natë radhazi Shtëpia e Kulturës ka qenë e stërmbushur. Sa i takon anëve negative ne do të kërkojmë vlerësime nga kritikët e teatrit”, tha Hasani.

Image may contain: 7 people, people smiling, people standing

Nga e majta: Berat Saliu, Luran Ahmeti, Anita Latifi, Qëndrim Rijani, Amernis Nokshiqi, Adem Karaga dhe Argjend Hasani

Nga pesë ditë sa zgjati edicioni i parë i Festivalit Teatror “Othello”, publiku artdashës i Gostivarit, me praninë e madhe të tyre shprehu kërkesën “se duan teatër në Gostivar”.

Në garë ishin shfaqja “Një jetë me ty” e Teatrit “Aleksandër Moisiu” nga Durrësi, drama “Psikozë N’4: 48” e Teatrit “Adriana Abdullahu” nga Ferizaj, shfaqja “Darka e thërrimeve” e Teatrit Shqiptar të Shkupit, shfaqja “Copë Copë”e  Teatrit Artpolis nga Prishtina dhe shfaqja “Mësimi”e Teatrit të Kumanovës./Portalb.mk

Festivali Teatror "Othello" në Gostivar 2017

Nata e tretë e Festivalit Teatror “Othello” në Gostivar 2017

Nata e dytë, shfajq “Psikozë n’4: 48” e Teatrit “Adriana Abdullahu”- Ferizaj

Nata e dytë: shfaqja “Psikozë n’4: 48” e Teatrit “Adriana Abdullahu”- Ferizaj

Image may contain: 1 person, crowd and indoor

Nata e parë e Festivalit “Othello”

Image may contain: 1 person, standing

Nata a parë, Teatri i Durrësit “Aleksandër Moisiu” me shfaqjen “Një jetë me ty”

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP