Erdogan e ka përshkruar Putinin si “mik të dashur”

Presidenti i Turqisë, Recep Tayyip Erdogan, ka arritur në Soçi të Rusisë, për takimin me presidenin e Rusisë, Vladimir Putin. Konsiderohet se në fokus të bisedimeve të dy presidentëve, do të jetë konflikti në Siri, transmeton REL. 

Duke folur para gazetarëve sot në Stamboll, pak para nisjes për në Soçi, Erdogan e ka përshkruar Putinin si “miku im i dashur”.

Kremlini ka thënë se Putin dhe Erdogan planfikojnë të diskutojnë për çështje rajonale dhe ndërkombëtare, përfshirë “luftën e përbashkët kundër terrorizmit” dhe për përpjekjet për përfundimin e luftës gjashtëvjeçare në Siri.

Siria është fqiu jugor i Turqisë.

Erdogan tha se me Putinin do të diskutoj më tepër detaje teknike për blerjen e sistemit raketor tokë-ajër të tipit, S-400, nga Rusia.

Takimi i fundit ndërmjet Putinit dhe Erdoganit ishte më 28 shtator në Ankara.

Pas këtyre bisedimeve, të dy liderët thanë se janë pajtuar për bashkëpunim të afërt për përfundimin e luftës në Siri.

Lajme të ngjashme

Leave a Reply

Your email address will not be published. Required fields are marked *

Back to top button