Ja çfarë tha Visar Ganiu pas fitores së sotme në Çair

Kryetari i posa shpallur i komunës së Çairit, Visar Ganiu në një deklaratë për Portalb.mk, tha se ka qenë i bindur se do të fitojë.

“Isha tepër optimist prej momentit të parë që kam hyrë në garë. Kjo është fitore e merituar, atë ma kanë dhuruar bashkëqytetarët e mi të komunës së Çairit me këtë dhe më ngarkojnë me shumë punë dhe përgjegjësi që do të filloj ti realizoj. Me të ardhmen mendoj ta bashkë-menaxhojmë komunën me ata, për një standard më të mirë dhe mirëqenie. Nuk do të jem kryetar vetëm për ata që më kanë votuar por për të gjithë banorët e Komunës së Çairit. Komuna do të këtë në shërbim të tyre 24 orë” u shpreh për Portalb.mk , Ganiu.

Sa i përket akuzave të Lëvizjes Besa se ka pasur presion ndaj qytetarëve që të mos votohet ai tha se “nuk duhet besuar akuzave të kota të një partie që humb”.

“Numri i votuesve është i njëjtë si në rrethet tjera ndërsa vazhdimisht kam bërë thirrje të këtë zgjedhje korrekte dhe të lira, të dilet të votohet sipas vullnetit të lirë. Qytetarët i kanë besuar programit tim që tre herë që votojnë dhe jo fjalëve të kota të një partie e cila humb dhe normal që gjen arsye dhe akuza. Organet e vendit do te tregojnë se çfarë zgjedhje kanë qenë”, Portalb.mk, Ganiu.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP