Telekom Austria u bë pronari i vetëm i One.Vip

Telekom Sllovenia për 120 milionë euro ia shiti Telekom Austrisë 45 për qind të aksioneve të tyre në operatorin telekomunikues të Maqedonisë one.Vip, njofton Telekomi slloven.

Me këtë transaksion Telekom Sllovenia tërësisht tërhiqet nga one.Vip, ndërsa Telekom Austria bëhet pronari i vetëm i kompanisë.

Në tetor të vitit 2014 anëtarja e grupacionit Telekom Sllovenia, One Shpknjp Shkup nënshkroi marrëveshje për bashkim me operatorin VIP, anëtar i grupacionit Telekom Austria.

Një vit më vonë Telekom Sllovenia dhe Telekom Austria morën miratimin nga Drejtoria antimonopole e Maqedonisë për bashkimin e One dhe Vip në një kompani. Telekom Sllovenia në këtë moment me marrjen e miratimit u bë pronar i 45 për qind të aksioneve, ndërsa Telekom Austria i 55 për qind të aksioneve nga kompania e re one.Vip.

Kontrata jepte mundësi që në një periudhë prej tre vitesh Telekom Austria t’i ndërmarrë të gjitha aksionet.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP