Parashtrohen 16 padi në Gjykatën Administrative për rrethin e dytë të zgjedhjeve
Gjithsej 16 padi prej partive politike për rrethin e dytë të zgjedhjeve lokale janë parashtruar në Gjykatën Administrative deri sot në orën 10.
Në kumtesën e Gjykatës Administrative të nënshkruar nga kryetari i gjykatës thuhet se 11 padi janë dorëzuar nga Aleanca e Shqiptarëve, katër nga lëvizja “Besa” dhe një nga Lëvizja Popullore e Maqedonisë.
Gjykata Administrative obligohet të sjellë vendim në afat prej 48 orësh pas pranimit të tyre. KSHZ në seancë i hodhi poshtë të gjitha ankesat e dorëzuara për raundin e dytë të zgjedhjeve lokale.
