Milevski me katër ndryshime ndaj Austrisë

Përzgjedhësi i reprezentacionit të Maqedonisë në futboll, gjenerata U21, Bllagoja Milevski sot bëri publike listën e futbollistëve me të cilët pas dy humbjeve në tri ndeshjet e para eliminatore, kërkon rezultatin e parë pozitiv.

Milevski ka ftuar katër futbollistëve të rinj, të cilët për herë të parë do veshin fanellën e kësaj përfaqësuese, në mesin e  tyre është edhe kumanovari që luan te Rabotniçki, Nehar Sadiki.

“Nehar Sadiki me paraqitjet e tija në Rabotniçki, më bindi dhe me meritë është në mesin tonë, po ashtu edhe Stojanovski me lojën dhe golat e shënuar për skuadrën e tij Dugopolje”, ka thënë Milevski.

Përveq Sadikit në listën e Milevskit janë edhe pesë shqiptar tjerë, Besart Krivanjeva i FC Shkupi, Besar Iseni i Vardarit, Liridon Iljazi i KF Renova, Enur Totre i Shkëndijës dhe Remzifaik Selmani i Ujpestit.

Seanca e parë stërvitore e Maqedonisë U 21 do të zhvillohet më 8 nëntor në orën 16:00 në qendrën stërvitore “Petar Milloshevski” në Shkup.

Ndeshja eliminatore Maqedoni – Austri e vlefshme për “Euro2019”, luhet më 14 nëntor në Shkup. Maqedonia pas tri ndeshjeve ka vetëm 3 pikë dhe mban pozitën e fundit. /Portalb.mk/

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP