Bogdanoviq: Do të formohet komision i posaçëm do ta kontrollojë projektin “Shkupi 2014”
Kryetari i Komunës Qendër Sasha Bogdanoviq sot paralajmëroi se do të formohet komision i cili do t’i përfshijë punën tërësishme të projektit “Shkupi 2014”.
“Kjo do të fillojë nga mënyra e vendosjes së përmendoreve, kush jep leje. Për një shënim përkujtimi është kompetente komuna, për disa Qyteti i Shkupit, ndërsa për të tjerat Kuvendi i Republikës së Maqedonisë. Për më të mëdhatë kemi dyshime se nuk janë bërë në përputhje me vendimet e caktuara, kështu që çdo gjë është vendosur në mënyrë të kundërligjshme do të largohet nga ana jonë”, tha Bogdanoviq, duke iu përgjigjur një pyetjeje të gazetarëve në komunën e Qendër, e cila sot shënon 41 vjet nga themelimi.
