Hulumtim: ja sa janë profesionale etiketat e produkteve ushqimore në Maqedoni

Pjesa më e madhe e etiketave të produkteve ushqimore në Maqedoni i kanë informacionet kryesore për përmbajtjen dhe cilësinë, tregon hulumtimi të cilin e zbatoi Agjencia për Ushqim dhe Veterineri (AUV).

Sipas hulumtimit, lëshime ka lidhur me mungesën e tabelave nutritive për vlera ushqyese (26 për qind), në raport me mungesën e deklaratave në gjuhën maqedonase (9 për qind) dhe në raport me të dhënat të cilat mund t’i çojnë konsumatorët në mashtrim (18 për qind).

“Hulumtimi tregoi se vetëm një përqindje e vogël e etiketave kanë lëshime që është konfirmim se të gjithë faktorët në sistemin për sigurinë e ushqimit janë angazhuar në mënyrë serioze”, theksoi drejtori i AUV, Zoran Atanasov në prezentimin e rezultateve.

Sipas tij, të dhënat e etiketave të produkteve në esencë janë shënimi i ushqimit, ndërsa ky është obligim ligjor për çdo operator, duke u nisur nga prodhuesit, tregtarët, importuesit dhe distributerët.

“Këto rregulla në Maqedoni janë harmonizuar me rregullat e BE-së dhe paraqesin informacion të rëndësishëm për konsumatorët në bazë të së cilit ata mund të bëjnë përzgjedhjen e vërtetë të ushqimit, në pajtim me nevojat e veta”, nënvizoi Atanasov.

Me hulumtimin e AUV janë përfshirë 120 ekzemplarë sipas përzgjedhjes rastësore prej marketeve të mëdha, të ndryshme për nga lloji dhe prodhuesi. Ishin të përfshira gjashtë grupe të prodhuesve, përpunimet e pemëve dhe perimeve, mish, produkte mishi dhe peshk, qumësht dhe produkte qumështi, pije, vaj, krip dhe mëlmesa.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP