Ja çfarë i ka thënë Nikolla Gruevski, Edi Ramës (VIDEO)

Lideri i opozitës maqedonase, VMRO DPMNE, Nikolla Gruevski u takua me kryeministrin shqiptar, Edi Rama në kuadër të Samitit 100, i cili është duke u mbajtur në Shkup, njofton Portalb.mk. Në takim është biseduar për marrëdhëniet shqiptaro-maqedonase, për situatën politike në vend si dhe për prioritetet strategjike të Maqedonisë.

Nga kabineti i Gruevskit, informojnë se ai ka thënë që është për “bashkëpunim të hapur me Shqipërinë e cila bazohet në baza të principeve.”

“Në këtë drejtim, nuk ndihmojnë dokumentet si që është Platforma e Tiranës, e cila sipas formës që u promovua si dhe sipas përmbajtjes së saj nuk do të kontribuojë në zhvillimin e miqësisë të bazuar në qëllime të sinqerta, mes dy vendeve dhe mund të ketë efekt negativ në jetën e përbashkët të dy etniteteve në Maqedoni” është shprehur Gruevski.

Më tej, siç lajmërojnë nga kabineti i tij, ai ka thënë se është e mirëseardhur mbështetja e Shqipërisë për Maqedoninë

Sipas tij, është e mirëseardhur mbështetja e Republikës së Shqipërisë për integrim në NATO dhe se ekzistojnë sfida të përbashkëta për përparim në rrugën drejt Bashkimit Evropian, në përmbushjen e të cilave bashkëpunimi është i pritur.

Gruevski, siç qëndron në kumtesë, ka theksuar se marrëdhëniet e mira mes të dy vendeve të cilat duhet të zhvillohen do të kontribuojnë për relaksimin e atmosferës dhe ndërtimin e besimit që nevojitet për paparim ekonomik dhe politik të rajonit.

Më herët Rama u takua me liderin e BDI-së, Ali Ahmeti, liderin e Aleancës për Shqiptarët, Ziadin Sela, liderin e Lëvizjes BESA, Bilall Kasami dhe atë të PDSH-së, Menduh Thaçi.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP