Në betejën për Rakan janë vrarë të paktën 3.250 persona

Në luftimet katër mujore për qytetin sirian Raka janë vrarë 3.250 persona, nga të cilët të paktën një e treta janë civilë, bëri të ditur Qendra siriane për monitorim për të drejtat e njeriut me seli në Londër pas lajmit të sotëm se koalicioni kryengritës “Forcat demokrate siriane” e pushtuan këtë strehim kryesor të grupit Shteti Islamik (SHI) në Siri.

Forcat demokratike siriane, të cilat i përbëjnë grupet kryengritëse kurde dhe arabe, që gëzojnë mbështetje amerikane, e pushtuan Rakan pas rrethimit afatgjatë.

Sipas Qendrës, qindra persona llogariten të zhdukur, me ç’rast një pjesë e madhe e tyre besohet se janë civilë të vrarë në sulmet ajrore dhe artilerike dhe luftimet në rrugë dhe janë varrosur në oborret e shtëpive të tyre.